الطَّبخ

طورطة بلكريما والبرتقال بسيطة التحضير ومنضرها ومذاقها رائعين♡

مقادير الكيك
3 بيضات
كأس إلا ربع سكر مايعادل 110 غ
كأس إلا ربع حليب مايعادل 110 مل
كأس إلا زيت مايعادل 110 مل
فانيلا وملح
2 كاكاو مر مايعادل 14 غ
2 خميرة حلويات مايعادل 16 غ
كأس ونصف دقيق مايعادل 150 غ
للكريما
250 غ كريما سائلة
ملعقة ك جبن أبيض
فانيلا
سكر
للتزيين
250 مل عصير البرتقال مايعادل كأس وثلث الكأس
ملعقتين ك بودرة الكريم باتيسيير
سكر حسب الدوق
الطريقة:
كنطربو البيض، السكر، الملح والفانيلا حتى يتضاعف حجمه ويبياض لونه نضيفو الزيت والحليب بالتدريج ومباشرة نحبسو الخلاط.
نضيفو الكاكاو الدقيق الخميرة مغربلين ونخلطو من أسفل لأعلى ونفرغوه في قالب قطره 24 سنتمتر.
ندخلوه يطيب الفرن مشعول من اسفل فقط نار هادئة او 180 درجة بالنسبة للفرن الكهربائي.
ملي يطيب نخليوه يبرد تماما ونقلبوه الجهة المستوية ترجع الفوق ونوضعوه في إطار دائري.
نحضرو الكريما نطربوها مع السكر والجبن والفاني حتى تطلع مزيان شونتيي وتعقاد و عاد نبسطوها فوق طبقة الكيك بشكل متساوي وندخلوها المجمد حتى تبرد مزيان.
للطبقة الأخيرة ناخدو العصير ديال البرتقال نفرغوه في كسرونة ونحتفضو بشوية نخلطو معاه بودرة الكريم باتيسيير ونوضعو الكسرونة فوق النار حتى يغلى وعاد نضيفو ليه داك شوية لي مخلط معاه بودرة الكريم باتيسيير ونحركو على نار مهيلة حتى يعقاد.
نخليوه يبرد ونخويوه فوق طبق الكريمة ونبسطوه مزيان نرجعو الطورطة للثلاجة حتى تبرد عاد نحيدو الإطار ونزينوها حسب الذوق ☆