الطَّبخ

بيتزات صغار روعة و بشكل راقي لكل الوجبات

مقادير العجين :
زلافة فورص ، بيضة ، معلقة زيت ، معلقة سكر ، معلقة زبدة ، معلقة خميرة الخبز ومعيلقة صغيرة خميرة الحلوى ، ملح ، ماء لجمع الخليط .
الطريقة :
نخلط أولاً الماء الدافئ مع باقي المقادير ما عدة الملح والفرينة ، من بعد نزيد الفرينة وندلك مزيان حتى نسالي عد نزيد الملح ، خاص تكون العجينة رطبة ومخدومة مزيان ومكتلسقش فاليد ، من بعد ما صبحت عندنا واجدة ، ندهنو إناء بزيت ونخلوه تخمر من ساعة حتى ساعتين ، حتى يضعف لينا الحجم ديالها .

طريقة الحشوة
فلفلة و كروفيت ممكن تعوضوه بالتونة أو الدجاج لعندك وصلصة طماطم
ناخد صلصة طماطم ونزيد عليها الملح وابزار وتوم وزعتر وورقة سيدنا موسى ومعلقة صغيرة من خل وربيع مقطع ، إو نشرحها شوية فوق البوطة .
فلفلة نقطعها شرائح ونشرحها حتى هي مع بزار وملح وزعتر 
نفس شيء كروفت من بعد ما سلقت ف شوية ديال ماء ، نقيتو وشرحت فشوي ديال زبدة وملح وابزار 

ناخد العجين ديالنا ونطلقوه بالمدلك ،كنقتعو دوائر ، ونخله يرتاح شي 10 دقائق 
ندخلو الفرن يطيب نص طيبة من فوق وتحت ، شي 15 دقيقة تقريباً خدة ليا والفرن يكون سخون مسبقاً .

من بعد ما نخرجها من فرن ، نعاملو الحشوة ديالنا و الفرماج محكوك عليها ونرجعها طيب من جديد واحد 15 دقيقة